उगा नकार देऊ नको...

अधीर नेत्र तुझे, पापण्यांआड लपवू नको..
प्रिती मनात असता, उगा नकार देऊ नको..

तुला भेटल्यावर, तुझा विरह असह्य होतो,
म्हणून का गं मी, तुला भेटण्याचे टाळतो?

दूर असताना तुलाही, माझी आठवण येते ना?
रातीचा चांद पाहून, मन तुझेही झुरते ना?

का तरीही वेडे, अनावर प्रेमा बांध घालशी?
नजरेने सांगितले जे, ओठांवर न आणशी?

तुझ्याचसाठी राणी, मी हे जग सोडले आहे,
परिणामांचे भय सांग तुला मात्र का आहे?